Skip to content

බද්ද ගැන ආණ්ඩුව ගත්ත තීන්දුව!

දැනට ක්‍රියාත්මක වන සරල කරන ලද එකතු කළ අගය මත බදු ක්‍රමවේදය අහෝසි කිරීමට රජය තීරණය කර ඇත. ඒ, 2024 ජනවාරි 01 වැනිදා සිට ක්‍රියාත්මක වන පරිදිය.

ඒ අනුව එකතු කළ අගය මත බදු පනතේ අදාළ විධිවිධාන සංශෝධනය කිරීම සඳහා පනත් කෙටුම්පතක් සකස් කරන ලෙස නීති කෙටුම්පත් සම්පාදකට උපදෙස් ලබාදීමට අමාත්‍ය මණ්ඩල අනුමැතිය හිමිව තිබේ.

ජාත්‍යන්තර මුල්‍ය අරමුදලේ විස්තීර්ණ  අරමුදල් පහසුකම අනුව එකතු කළ අගය මත බද්ද සම්බන්ධයෙන් ප්‍රධාන ප්‍රතිසංස්කරණ දෙකක් හඳුන්වා දිය යුතුව ඇත.

ඒ අනුව රජය සඳහන් කරන්නේ, බහුතරයක් නිදහස් කිරීම් ඉවත් කරමින් එකතු කළ අගය මත බදු (VAT) ක්‍රමය ප්‍රතිසංස්කරණය කිරීමටත් සරල කරන ලද එකතු කළ අගය මත බදු (SVAT) ක්‍රමය අහෝසි කිරීමත් සිදුකළ යුතුව ඇති බවයි.

දැනට පවතින එකතු කළ අගය මත බදු නිදහස් කිරීම යළි තාර්කීකරණය  කිරීම මඟින් ආසන්න වශයෙන් දළ දේශීය නිෂ්පාදනයෙන් 1.2%කින් පමණ බදු ආදායම වැඩිකර ගැනීමට හැකියාව පවතින අතර අධ්‍යාපන, සෞඛ්‍ය හා කෘෂිකර්මය වැනි ක්ෂේත්‍ර සඳහා වන නිදහස් කිරීම් මෙන්ම අඩු ආදායම්ලාභී පවුල් මත සිදුකරන පීඩනය ලිහිල් කිරීම සහ ආර්තිකයේ  ප්‍රධාන අංශ ආරක්ෂා කරන නිදහස් කිරීම් තවදුරටත් රඳවාගෙන එකතු කළ අගය මත බදු නිදහස් කිරීම්වලින් බහුතරයක් ඉවත් කිරීමටත් එකතු කළ අගය මත බදු ආපසු ගෙවීම සඳහා වඩාත් විධිමත් ක්‍රමවේදයක් හඳුන්වා දීමටත් නියමිතයි.

Latest