Skip to content

ඉන්දියාව හා ලංකාව අතර මගී නෞකා ගමන ආරම්භ කරයි.

ඉන්දියාවේ චෙන්නායි සිට කන්කසන්තුරය දක්වා වන මගී නෞකා ගමන් සේවය ආරම්භ කරමින් අද(16) පරීක්ෂක මගී නෞකාවක් යාපනය කන්කසන්තුරය වරාය වෙත පැමිනියා.

වරාය, නාවික හා සිවිල් ගුවන් සේවා අමාත්‍ය නිමල් සිරිපාලද සිල්වා මහතා හා ධීවර කටයුතු අමාත්‍ය ඩග්ලස් දේවානන්ද මහතා විසින් පරීක්ෂක මගී නෞකාව පිළිගැනීම සිදුකළහ.

ඉන්දියාවේ චෙන්නායි සිට කන්කසන්තුරය දක්වා මගී නෞකා සේවය හරහා ඉන්දු ලංකා සබඳතා පුළුල් කර ගැනීමට නියමිත බව වරාය,නාවික හා සිවිල් ගුවන් සේවා අමාත්‍යාංශ නිළධාරීන් පැවසූහ.

මගී නෞකාව අද(16) උදැසන මගීන් 100 දෙනෙකු සමඟ කන්කසන්තුරය වරාය වෙත පැමිණි අතර,මගී නෞකාව පැමිණීමට සමගාමීව රුපියල් කෝටි 25 ක වියදමින් සංවර්ධනය කළ කන්කසන්තුරය වරාය විවෘත කිරීමද සිදුකළහ.

ඉදිරියේදී මගී නෞකා සේවය සාමාන්‍ය වැසියන් වෙත විවෘත කිරීමට නියමිත අතර,සාමන්‍ය වැසියෙකුට කිලෝග්රැම් 100 ක බරකින් යුතු භාණ්ඩ රැගෙන ඒමට හැකියාවක් පවතින බවද ආරංචි මාර්ග පැවසූහ.

සාමාන්‍ය ආගමන විගමන නීති යටතේ ලියාපදිංචියකින් අනතුරුව මගී නෞකාවෙන් චෙන්නායි දක්වා ගමන් කිරීමට හැකි බවද වරාය,නාවික හා සිවිල් ගුවන් සේවා අමාත්‍යාංශ නිළධාරීන් සඳහන් කළහ.

වැඩසටහන් අවස්ථාවට ඉන්දීය මහ කොමසාරිස් කාර්යාල නිළධාරීන් රැසක්ද එක්ව සිටියහ.

Latest